kè-ōe-su 計劃書

  • 預計招收人數: 150名 (26日請逐ê 直接kàu 億載國 小4樓視聽室pò-tò) Oa̍h-tāng liû-thêng 活動流程表
  • .招收對象:包含以下人士:
    • (一)大學台語文相關系所 ê 教師 kap 學生
    • (二)大學各科系所 ê 教師 kap 學生
    • (三)國中小本土語言課程 ê 教師
    • (四)台語文創作者 kap 表演者
    • (五)官方iah 民間 ê 台語文化工作者
    • (六)社會各階層對台語文化有興趣ê lâng
  • 報名費用:Beh tòa (住宿) $1,500、bô-beh tòa (不住宿)$1,300
    工作人員:beh tòa kòe-mê(要住宿)$1,200、m̄ tòa kòe-mê (不住宿)$1000
  • 聯絡方法:e-mail: tlhemail@gmail.com
    TEL: (C) 0921-957-708 ,(F)07-3759389
    通訊地址:高雄市仁武區八卦里八德西路1658-5號
  • 營隊簡史:

    世界台語文化營(World Taiwanese Languages And Culture Camp)(以下簡稱「台文營」、「TBI」)。源自於1995年tī美國Houston舉辦ê「北美洲台語文夏令營」,1996年改tī美國加州舉辦,定名「世界 台語文化營」,1997 kap 1998年 tī 美國 Hawaii舉辦;自 1999 年第 5 屆 kàu taⁿ,lóng tńg-lâi tī 台灣舉辦。第9、11、12、13、14、15、16 屆 lóng 有附設 gín-á 營,17(本)屆因為交接時間 siuⁿ pek,bē-hù 籌備,所以 gín-á營(兒童營)bô-beh 舉辦。

    本營隊 ùi 2001年第7屆 kàu-taⁿ,lóng-sī 社團法人台灣羅馬字協會 主辦,每屆 lóng ē 邀請國內、外關心台灣語文 ê 政府相關單位 iah-sī 民間 thoân-thé 來共同主辦/協辦。 營會 kám-siū 台灣社會發展 ê 腳步,每屆 lóng-ū siat-tēng bô-kâng ê 主題。Ùi第7、8屆,探討台語 ham 文學、文化 ê 重要性 kap 關連性,lâi 鼓勵社會大眾發展台語 ê「新世紀 ê 台語文化觀」、「台語文學 kap 母語教學」,kàu 探討語言政策,beh-hō͘ 政府建言ê第 9 屆主題「發展性 ê 台灣母語教育 kap 文化政策」,進展kàu第10屆,以台灣語言 hām 個人以及社會競爭力ū關聯性ê「台灣話銷全球--全球化 chi-hā 台灣語言文化 ê 國際佈局」、第11屆tī綠島舉行,配合綠島 獨特生態 ê「語言文化多樣性 kap 生態保護」,一直 kàu 最近,以母語 kiâⁿ-ji̍p 領域教學、母語 kiâⁿ-ji̍p 生活 ê「台灣教育 ài母語化」、「台語‧生活‧台灣」、 「台語‧資訊‧戲劇夢」三 ê 主題。營隊ê活動主題往往 ē-tàng 切合實際推廣母語 ê 需要,koh ē-thang 培育台語人才,ǹg-bāng 台語種子 ē-tàng thòaⁿ-chéng、puh-íⁿ hoat-gê。

    主辦單位簡介:Tâi-oân Lô-má-jī Hia̍p-hōe (社團法人台灣羅馬字協會)

    社團法人台灣羅馬字協會(簡稱TLH、台羅會),是全世界關心台灣本土語文 ê 人士 tī 2001年8月19日 só͘ 成立。歷任理事長有張復聚、陳明仁、林清祥、蔣為文、何信翰、廖瑞銘;現任理事長是台南市議員李文正。 2008年本會榮獲教育部97年度(首屆)表揚推展母語傑出貢獻團體獎。增列第5屆理事長廖瑞銘榮獲102年推展母語個人傑出貢獻獎

    台灣羅馬字協會創立的宗旨為:

    • 1. Chhui-hêng Tâi-oân Lô-má-jī ê gián-kiù kap phó͘-phiàn-hòa.
      推行台灣羅馬字的研究及普遍化。
    • 2. Tui-jīn Tâi-oân Lô-má-jī kap Tâi-oân-ōe ê hoat-tēng tē-ūi.
      追認台灣羅馬字及台灣話的法定地位。
    • 3. Iàu-kiû chèng-hú si̍t-si kong-pêng chèng-gī ê to-gí-bûn chèng-chhek.
      要求政府實施公平正義的多語文政策。
    • 4. kiàn-siat to-gôan,khai-hòng,hō͘-siong chun-tiōng ê Tâi-oân bûn-hòa.
      建設多元、開放、互相尊重的台灣文化。

    會員包括 tī 台灣/外國取得學位 ê 各領域教授、醫師、學校教師、商界人士、宣教師、作家、家庭主婦、學生、社團工作者等等,會員對台灣本土語言 lóng ū 相當 ê 認同感。目前本會個人會員有二百 gōa人、團體會員有六 ê。

    營會主題及主要目的:

    台灣本土語言自1980年代以來,tī chē-chē iú-chì大力推廣之下,有lú-lâi lú 發展 ê趨 勢。本會 chong-chí sī 推廣台灣語言、文學、文化為主。Ta̍k-nî lóng 舉辦 世界台語文化營,che 正是本會推廣台灣語文 ê 重要活動。

    本次營會行程安排 siōng-tōa ê 特色,tio̍h是重申語文合一 ê 傳承文化。文化營主題:「搶救台灣文化資產--「咱人話」、「咱人歌」。語言 pō͘-hūn「咱人話」;是指凡是人所講 ê 話。歌謠 pō͘-hūn「咱人歌」;是指凡是人所唱 ê 歌。話 kap 歌 lóng ài 靠文字才 ē 正確傳承,一方面 hō͘ 來自全國各地/國外 ê 學員,ē-tàng 了解咱人話傳承文化 ê 必要,另一方面 hō͘ ta̍k-ê ē-tàng了解台語羅馬字傳承 ê 重要性。為了 beh hō͘ 台語進一步深化,使一般民眾 lóng ē-tàng 接觸 tio̍h 優美 ê 台語,koh 進一步了解台語 ê 歷史以及台語和台灣文化 ê 密切關聯。鼓勵民眾 chhin-sin chham ka,學習語音記錄 siōng 快速 ê 羅馬拼音。本屆世界台語文化營ê主題訂為搶救台灣文化資產,語言、歌謠 ê thoân-pò,chù-iàu beh 呼應10年來教育部所定 ê「台羅拼音方案」。羅馬拼音是 siōng kán-tan 擬音 ê 符碼,是多元母語記音 ê 工具,ē-tàng 精準寫出台灣話。台灣族群 chin 多元,iōng 講話、唱歌 teh kau-liû 溝通。台灣羅馬字協會再度強調申述羅馬拼音 tī 民間普遍化 ê 必要。Koh 積極開發「學母語送英語」創意教材,chhōa thâu 培訓陣容堅強 ê 專業羅馬字師資,投入社區推行語文合一 ê 傳承目標,來服務社會。

    chhin-chhiūⁿ:宜蘭腔「食飯配卵,酸酸軟軟」,kan-ta ū 字面 piáu-ta̍t 語意,無 hoat-tō͘ piáu-hiān 宜蘭腔 ê 語音。

    Nā iōng 漢羅標寫,羅馬拼音輔助:「食 pūiⁿ 配 nūi, suiⁿ- suiⁿ,núi-núi」。Án-ne to̍h有十足宜蘭腔 ê 語音。羅馬拼音 iā ē-tàng 自由寫作,siá ē-chhut 各種腔口 ê 鄉土母語文學。進 chi̍t-pō͘ 破解一般民眾「講台語就是沒水準」、「台語沒有文學」、「台語 kan-taⁿ ē-tàng 用來講歷史,bē-tàng 講新事物」ê 迷思。ǹg-bāng 台灣母語重新進入社區,重新進入家庭,進入台灣新文學。

    營隊 第一kang

    主題語言「lán-lâng話」ê部份:
    • 邀請tio̍h 東華大學 臺灣文化學系 康培德教授,beh lâi 分享羅馬字文化節 ê 文化活動 ì-gī,lâi 介紹 í 羅馬字復振為主 ê 母語教育文化。
    • 邀請留日教授陳麗君教授,beh lâi 講解世界各國使用羅馬字 ê 概況,kō͘ 日本 kap 英語做例,比較羅馬字寫咱人話、咱人歌 ê 自由度。
    主題歌謠「咱人歌」ê部份:
    • 特別邀請tio̍h 李文正議員,演唱 i 本人所創作 ê 歌謠。李議員真重視羅馬字生活化,ū chin-chōe 相關 chok-phín。
    • Koh ū 黃慶源老師 beh 獨唱
    • 陳秀卿老師介紹陳武雄先生 ê 紅木屐本土歌謠創作作品。
    • Tsia—ê lóng 離 bē 開羅馬字。
      • Koh-ū知名度chin-koân ê月琴文化人,周定邦先生,表演ū台灣文學性ê台語唸歌。
      • Koh特別邀請台灣歌音樂專家,田園樂府簡上仁教授,講解歌聲傳播語言ê優美自在 ,並且由簡老師所帶領ê台灣風工作坊演唱i本人所譜曲ê創作歌謠。簡教授講:創作是傳承ê要件,大家ài盡量創作。

    營隊第二 kang

    • beh 邀請台南市教育局局長鄭邦鎮,紹介創意教學對母語教育 kap 保存、復振 ê 重要。
    • beh 邀請中山醫學大學台灣語文學系 何信翰 教授 ,談創意文化 hām 傳承。
    • iáu-ū lán beh 聽施俊州博士hun-hióng i 對羅馬字 ê 學術研究。
    • koh 邀請 teh 第一線擔任台語教學 ê 老師 lâi分享「圖解式創意羅馬字教材教法」,紹介「學母語送英語」ê 方法,kap 輕鬆趣味化教羅馬字 ê 經驗。
    • Iā 邀請台灣各族語作品發表、gín-á 講古、Siraya 文化協會成員,表現 Siraya 文化 ê 語言、歌謠,見証咱人話、咱人歌再現靠文字傳承 ê 事實。活動結束進前,全員 koh 再唱會歌,具體慶祝台灣翠青20週年,mā-hō͘ 新會員 ū 複習 ê 機會,lâi體會「台灣翠青」。
    • 黃昏 beh 散步10 gōa hun-cheng 去chē 蚵民船 thé-hōe 蚵民生活 tī 下船 ê 港piⁿ 小食店食暗頓 liáu-āu chū-iû oa̍h-tōng

    營隊第三kang

    Lán ū chhiá 安排坐船遊台江,hō͘ lán chhin-sin 實地 khì 體會 lán 台灣海島 te̍k-sû ê 地理奇妙變化 kap 可愛 ê 風光。 本次營隊 beh hō͘ 學員對台語羅馬拼音 ê 文字使用有 ki-chhó͘ liáu-kái,mā beh 建構輕鬆趣味學羅馬字 ê 生活化概念。對羅馬拼音系統發展 ê 歷史有更加深入 ê了解, 增加自我培訓 ê 意願,koh beh iau-chhiáⁿ 踴躍來報名參加本會 ê 羅馬字師資培訓。

    營會特色

    (一)營隊有主題,方便充分討論。
    (二)設計搶救台灣文化資產學習主題,延續分享「學母語送英語」ê方法,徵求創意教材。
    (三)暗會設計以「咱人話 咱人歌ê傳播」為主軸ê活動,全員共同參與。
    (四)講師包含:各大專院校教授、各階層實務工作 kap 推 動者、以及學有專精領域,koh ū 專長 ê 講師。
    (五)會場有台語文團體kap台語文書籍、koh-ū 電腦軟體展示場地。
    (六)大會飲食 kap 點心,lóng chiam-tùi在地 ê 美食特色設計,koh安排在地文化參訪活動。
     邀請ê 貴賓、主持人、引言人、講師kap表演者:
    B 萬淑娟  西拉雅文化協會理事長
    C 周定邦  國立台灣文學館、台灣說唱藝術工作室團長、台文作家
    H 何信翰  中山醫大台灣語文學系副教授、台文作家
    K 簡上仁  旅英音樂博士
    K 康培德  美國明尼蘇達大學地理學博士 東華大學臺灣文化學系教授及臺灣文化學系系主任
    L 林清祥  東海大學資訊工程系副教授退休,中山醫大台灣語文學系兼任副教授
    L 廖瑞銘  中山醫學大學台灣語文學系副教授、台灣羅馬字協會前理事長
    L 李文正  第1 4 、15、16屆市議員、民進黨主委、全國黨代表、母語老師、中山慢速壘球聯盟會長、台灣羅馬字協會現任理事長、台文作家。
    S 施俊州  東華創作所藝術碩士;成大台文系文學博士、台文作家。
    T Ta Hai    高師大台文所碩士 
    T 陳明仁  台文作家、台文罔報雜誌社社長
    T 陳麗君  國立成功大學台灣文系副教授 
    T 張復聚  醫師、台文作家、台灣羅馬字協會創會理事長
    T 張學謙  台東大學教授
    T 丁鳳珍  國立臺中教育大學台灣語文學系助理教授、台文作家
    T 陳豐惠  李江卻台語文教基金會總幹事、台文作家
    
  • 活動流程表