http://www.tlh.org.tw/contact.html▲测试网页▲台湾罗马字协会http://www.tlh.org.tw/images/corpimg.png台南市北区小东路$06-2387-539▲测试网页▲台湾罗马字协会
▲特色简介▲
公元 2001 年 8 月 19 号社团法人台湾罗马字协会（ē-kha简称台罗会）借用淡水真理大学ê场地办理成立大会 1。台罗会ê成立ē-sái 讲是宣告台湾ê罗马字运动kiâⁿ chiūⁿ全民化、有意识、有组织ê文化脱汉ê钉根路线。台罗会以 chhui-sak「白话字」（Pe̍h-ōe-jī）做官方文字为宗旨。白话字 mā 号做「教会罗马字」、「台湾字」、「咱人字」，伊是 19 世纪后半期 ê sî-chūn 透过传教士传入台湾 ê 主要 teh 书写台语 kap 客语 ê 罗马字系统。白话字对 19 世纪尾20 世纪初台湾 ê 全民教育、文化启蒙 kap 文学创作有真大 ê 影响 kap 贡献(蒋为文 2013:75)。Tī 汉字文化圈内底，有二个民族是 ǹg 罗马字化 ê 脱汉方向进行。一个是已经成功 ê 越南，另外一个是 tng teh phah-piàⁿ ê 台湾。Tī 20 世纪初 chìn-chêng，台湾 kap 越南 ê 罗马字运动进展差不多是 sio-siāng ê。像讲，越南 tī 1865 年发行第一份 ê 罗马字报纸《嘉定报》；台湾 tī 1885 年mā 发行第一份罗马字报纸《台湾府城教会报》。M̄ -koh，到 kah 20 世纪初，台越双方开始分输赢，用无仝 ê 速度发展罗马字。
